Përfundon Faza e III e rubrikës Pyet Mentorët
Zhvillojmë aftësitë njerëzore me Spartak Alibali dhe Anisë Abazi, Deloitte Albania
18 Dhjetor, 2023
Shkolla e Mesme Profesionale “Hamdi Bushati” fiton sfidën Pjata Juaj Ikonike!
20 Shkurt, 2024
U zhvillua faza e tretë e rubrikës Pyet Mentorët me ekspertë e rrjetit të profesionistëve të industrive TIK, Hoteleri-Turizëm dhe Bujqësi. Tri sesione mentorimi u erdhën në ndihmë mbi 126 nxënësëve të arsimit dhe formimit profesional të shkollave të ndryshme në Shqipëri. Për tre ditë me rradhë nxënësit patën mundësinë të bashkëbisedonin me ekspertët Dritan Vreshta (Starnet), Ina Nanaj (HidroFarm Albania) dhe Erinda Loci (La Suite Boutique Hotel) dhe të pyesnin mbi industritë e interest.
Kjo rubrikë synon të mbështesë nxënësit duke krijuar ura lidhëse mes tyre dhe profesionistëve të fushës. Disa nga temat e trajtuara në këto bashkëbisedime ishin të rejat e fundit në këto industri, aftësitë bazë të nevojshme për të qenë i suksesshëm në profesionin e zgjedhur, modulet/programet më të nevojshme për t’u rritur profesionalisht si dhe rrugëtimi personal i vetë ekspërtëve në industritë përkatëse.
Të tre mentorët diskutuan gjatë me nxënësit duke i’u përgjigjur pyetjeve të ndryshme. Ata i këshilluan të rinjtë të fokusoheshin tek zhvillimi personal në të njëjtën mënyrë sic investojnë tëk zhvillimi profesional. Ndjekja e kurseve virtuale, organizimeve të ndryshme jashtëshkollore, stazhet e punës i ndihmojnë ata për të kuptuar interesat dhe dëshirat e tyre. Krijimi i komuniteteve është po ashtu i rëndësishëm sipas mentorëve. Këto janë grupet e para që të rinjtë mund të shkëmbejnë ide, të dialogojnë dhe diskutojnë duke zhvilluar mendimin kritik mes tyre.
Eksperti i TIK, Dritan Vreshta theksoi se të gjithë duhet të dimë nga pak teknologji pasi ajo është gjuha e së ardhmes.
“Duhet të mësojmë të flasim më makinat sic flasim me njerëzit”, u tha ai nxënësëve gjatë takimit.
Ai evidendoi se dy ishin trendet e momentit në industrinë e teknologjisë: siguria kibernetike dhe programimi. Ai i shtyu të rinjtë të eksplorojnë kurse të ndryshme virtuale dhe të ndjekin atë çfarë ata i tërheq.
Ina Nanaj, themeluesja e fermës së parë hidroponike me mikrofiliza në Shqipëri u shpreh se mundësitë për të rinjtë në industrinë e bujqësisë në Shqipëri janë të pafundme, mjafton të kenë guximin, të eksperimentojnë. Industria e farmaceutikes, e mjekësisë, janë të lidhura ngushtë me bujqësinë, pasi sipas saj bujqësia i ka dyert e hapura për ide dhe prodhim.
“Të rinjtë duhet të mësohen me dështimin, pasi ata janë të rinj, dhe kjo është pjesë e procesit. Presioni tek të rinjtë është shumë I madh, por ne duhet t’I lëmë të eksperimentojë, që më pas të fokusohen tek gjërat që ata duan”.
Ndërsa menaxherja e La Suite Boutique Hotel, Erinda Loci u bëri thirrje të rinjve të provojnë çdo fazë të menaxhimit, pasi kështu mëson se cila pjesë të pëlqen më shumë. Ajo i mëshoi rëndësisë së trajnimeve pranë kompanive, hoteleve apo bizneseve, pasi në këtë mënyrë nxënësit mund të jenë më afër praktikave dhe të shohin nga afër industrinë. Komunikimi është një nga aftësitë më të rëndësishmë sipas Erindës në këtë industri.
“Anën njerëzore nuk na e mëson askush. Nëse nuk e kemi në këtë industri, ky është dështimi më i madh, pasi është një zinxhir që rrotullohet”, u shpreh ajo.
Nëpërmjet këtyre takimeve rrjeti i profesionistëve të AFPro mbështet rritjen dhe zhvillimin profesional duke hapur një dialog të dyanshëm e duke afruar bizneset e industrisë me profesionistët e rinj.
Ndiqni për më shumë në afpro.al
