Zhvillojmë aftësitë njerëzore me Spartak Alibali dhe Anisë Abazi, Deloitte Albania
Faza II e aktivitetit Aftësitë e Buta
11 Dhjetor, 2023
Përfundon Faza e III e rubrikës Pyet Mentorët
21 Dhjetor, 2023
Menaxheri i Burimeve Njerëzore pranë Deloitte Albania, Spartak Alibali dhe përgjegjësja për funksionin e Trajnimit dhe Zhvillimit në Deloitte Albania, Anisë Abazi ishin dy ekspertët që morën pjesë në takimin virtual mbi aftësitë e buta të organizuar nga rrjeti i profesionistëve AFPro.
48 nxënës të arsimit dhe formimit profesional, mësues dhe profesionistë të lirë morën pjesë në këtë fazë të dytë kushtuar zhvillimit personal dhe aftësive të buta.
Anisë Abazi u prezantoi pjesëmarrësve termin e ri gjithëpërfshirës: aftësi njerëzore. Sipas Anisës ato ndryshojnë dhe përshtaten. Në epokën teknologjike mediumi me të cilin në i transmetojmë këto aftësi ndryshon: përmes aparatit smartfone, përmes ekranit të kompjuterit, platformave komunikuese Skype dhe Zoom. Anisë këshilloi nxënësit të merrnin kohën e duhur për të eksploruar aftësitë e tyre dhe për të vlerësuar cilat janë ato aftësi më të mira dhe cilat duhen zhvilluar më shumë.
Menaxheri i Burimeve Njerëzore në Deloitte Albania theksoi rëndësinë e aftësive njerëzore .
“Pasi në fund të fundit, të gjithë jemi njërëz. Ne vlerësojmë cilësi specifike, por ama vlerësojmë dhe anën njërëzore të përsonit,” u shpreh Spartak Alibali gjatë bisedës.
Ai I këshilloi të rinjtë të përfshihen në aktivitete jashtëshkollore, panaire pune, organizata rinore apo dhe klube të ndryshme pas shkollore. Sipas tij, kjo është një mënyrë shumë e mirë për të kuptuar se çfarë interesash ke. Gjithashtu është dhe një mënyre e mirë për t’u zhvilluar personalisht në aspektin social.
Të dy folësit i mëshuan fort zhvillimit profesional duke i mbështetur të rinjtë të ndjekin kurse virtuale si: LinkedIn Learning apo Coursera, ku nxënësit mund të ndjekin kurse të ndryshme pa pagesë. Kjo është një mënyrë e mirë për të marrë disa njohuri më shumë dhe më pas për t’i përmendur në CV-në e gjithësecilit së bashku me pjesëmarrjen në aktivitete sociale apo internship-e të ndryshme.
Gjatë bisedë Spartak Alibali prezantoi në mënyrë të detajuar se si funksionin një proces intervistimi në kompaninë Deloitte. Ai shpjegoi të gjitha fazat që nga takimi i parë, deri tek faza e fundit e intervistimit. Fokus i këtij prezantimi ishin: kërkimi i kandidatëve, strategjitë e kërkimit dhe aplikimi për punë, pyetjet e intervistës, lloji i këtyre pyetjeve, prezantimi gjatë intervistës së punës etj. Komunikimi, përgjigjia në telefon, takimi i parë dhe shtrengimi i dorës, kontakti me syte, janë të gjithë elementë shumë të rëndësishëm në një intervistë pune.
Ky aktivitet ishte faza e dytë e rubrikës ‘Aftësitë e Buta’. Ju ftojmë të na ndiqni në afpro.al për të rejat më të fundit nga Rrjeti i Profesionistëve.
