100 pjesëmarrës në trajnimin e aftësive të buta me eksperten e burimeve njerëzore, Sandra Agaj
Merr pjesë në aktivitetin virtual Aftësitë e Buta me eksperten e burimeve njerëzore, Sandra Agaj
8 Mars, 2024
Ekspertja e burimeve njerëzore, Sandra Agaj ishte ekspertja e fazës së tretë të trajnimit virtual mbi aftësitë e buta të organizuar nga rrjeti i profesionistëve AFPro, mbështetur nga program Qëndro i UNICEF. 100 nxënës të arsimit dhe formimit profesional, mësues dhe profesionistë të lirë morën pjesë në këtë fazë të tretë kushtuar zhvillimit personal dhe aftësive të buta.
Gjatë bisedës me nxënësit, ekspertja e burimeve njerëzore, Sandra Agaj u fokusua tek aftësitë e komunikimit, tek hartimi i një CV-je të mirë, tek tregu i punës – se si ka ndryshuar vitet e fundit, procesi I intervistimit, si dhe tek rëndësia e rekomandimeve ose e fjalës së gojës. Ajo i inkurajoi nxënësit të jenë gjithmonë në kërkim të eskperiencave të reja.
“Ju duhet të eksperimentoni dhe të eksploroni për të kuptuar se në cilën fushë doni të përqëndroheni” – ju drejtua ajo pjesëmarrësëve.
Sandra u shpreh se nevoja për të investuar në kapitalin njërëzor është e madhe. Përmes bursave, eksperiencës së fituar në kompani të mëdha përmes trajnimeve, përgjegjësia sociale janë të gjitha shumë të rëndësishme.
Gjatë diskutimit, të shumta ishin pyetjet mbi plotësimin e CV-ve dhe procesin e intervistimit. Sipas sandrës, në një CV të plotësuar nuk mungojnë eksperiencat e fituara në shkollë, përmes projekteve të ndryshme, bashkëpunimeve, por edhe aftësitë specifike të fituara nga këto eksperienca. Sipas sa, arsimi dhe formimi profesional është tejet I rëndësishëm pasi nxënësit marrin eksperiencën bazë në shkollë.
‘Hard skills’ fitohen edhe gjatë punës, u shpreh ajo.
Për sa i përket intervistave të punës, Sandra ndau me nxënësit disa trike të vogla për t’I ndihmuar ata gjatë këtij procesi. Sandra theksoi se gjatë intervistave të punës është shumë e rendësishme të tregosh që ke interes mbi kompaninë. Të kesh informacion paraprak si dhe të mbash shënime. Një element i rëndësishëm për të, si eksperte e burimeve njerëzore, janë pyetjet në fund të intervistës. Ajo I këshilloi nxënësit të jenë të vëmendshëm gjatë intervistës dhe të bëjnë pyetje në fund të saj mbi kompaninë: si është struktura, mundësitë e zhvillimit profesional në pozicionin përkatës etj.
Në fund të bisedës, Sandra Agaj i ftoi pjesëmarrësit të jenë gjithmonë krijues, pasi në shumë raste, në ambjentet e punës, shumë problematika zgjidhen përmes krijimtarisë, dhe kjo është një veçori e rëndësishme për t’u dalluar.
Ky aktivitet ishte faza e tretë e rubrikës ‘Aftësitë e Buta’. Ju ftojmë të na ndiqni në afpro.al për të rejat më të fundit nga Rrjeti i Profesionistëve.
