Rrjeti i Profesionistëve AFPro organizon Seminaret e Këshillimit të Karrierës
Fuqizojmë Nxënësit e Arsimit Profesional: Zhvillohet aktiviteti Ditët e Shkembimit
23 Nëntor, 2023
Faza II e aktivitetit Aftësitë e Buta
11 Dhjetor, 2023
Pjesë e aktivitetit Ditët e Shkëmbimit të zhvilluar nga rrjeti i profesionistëve AFPro me mbështetjen e programit Qëndro në Shkollë zbatuar nga UNICEF dhe financuar nga Ambasada Italiane, u zhvilluan tri seminare mbi këshillimin e karrierës për nxënësit e interesuar të drejtimeve TIK, Bujqësi dhe Hoteleri-Turizëm.
Këto seminare 60 minutëshe u erdhën në ndihmë nxënësëve të arsimit dhe formimit profesional për të bërë zgjedhje sa më të informuara mbi të ardhmen e tyre profesionale. Tri biseda interaktive u zhvilluan në tri klasa të ndryshme ku ekspertët e këshilimit të karrierës dhe përfaqësues të burimeve njerëzore nga kompanitë më në zë të momëntit u përgjigjën pyetjeve të nxënësëve kuriozë. Gjatë seminareve, të rinjtë patën mundësi të merrnin pjesë në roleplay intervistash pune, të mësonin disa truqe të vogla mbi procesin e intervistimit, të dëgjonin nga afër mbi mënyrat e ndryshme të rekrutimit dhe se si të përmirësonin CV dhe profilin e tyre në LinkedIn.
Seminari i Bujqësisë shërbeu si një pikëtakim ku nxënësit njohën nga afër themeluesen e biznesit të suksesshëm HidroFarm Albania, Ina Nanaj dhe themeluesen e brand-it të njohur Luga e Argjendtë. Bashkëbisedimi u fokusua në vështirësitë e tregut të punës për industrinë e bujqësisë dhe se si të rinjtë mund të jenë inovatorë në fusha të ndryshme të kësaj industrie. Ina Nanaj theksoi rëndësinë e kuriozitetit në punë, por dhe punën e kryer me mund dhe forcë për t’u zhvilluar nga ana profesionale dhe personale.
“Fusha e bujqësisë në Shqipëri është e hapur për inovacion. Të rinjtë duhet t’a kërkojnë dhe ta zbatojnë atë”, u shpreh Dhurata Thanasi.
Seminarin e Teknologjisë së Informacionit dhe Komunikimit e drejtuan vetë nxënësit e degës TIK. Ania Bregu , nxënëse e Shkollës së Mesme Profesionale TIK “Hermann Gmeiner” dhe Justinian Vataj, nxënës i Shkollës së Mesme Profesionale Kamëz moderuan panelin me folësit folësit Arjus Dashi, themelues i kompanisë e-commerce Frontlevels dhe Spartak Alibali, Menaxheri i Burimeve Njerëzore, Deloitte. Ky seminar kishte interes të veçantë nga nxënësit të cilët kishin pyetje specifike mbi industrinë. Folësit theksuan rëndësinë e pjesëmarrjes së nxënësëve në projekte shkollore dhe evidentimin e tyre në hartimin e CV-ve.
“Ajo çfarë ju këshilloj si nxënës shkolle, është të jeni kuriozë dhe inovatorë,” – u tha nxënësëve Arjus Dashi. Këtë e mbështeti dhe Spartak Alibali i cili ndau me nxënësit se kjo gjë bën diferencën në përzgjedhjen e kandidatëve për role specifike në kompani të ndryshme. Të dy folësit i mëshuan shumë ndjekjes së zhvillimeve të fundit teknologjike, në mënyrë që nxënësit të ishin gjithmonë me hapin e kohës dhe të informuar.
Gjatë seminarit nxënsit patën mundësinë të shikonin hapat e një interviste pune në kompaninë Deloitte përmes një roleplay. Sjellja që në fillim të takimit, mënyra e të ulurit, shikimi, mënyra e të përgjigjurit të pyetjeve dhe përcjellja e informacionit tek intervistuesi ishin pikat kyçe të këtij demonstrimi. Në fund të seminarit folësit I mëshuan rëndësisë së networking, përditësimit të të dhënave të CV me projekte shkollore dhe fushat e interest, si dhe krijimit të profilit në LinkedIn për t’u lidhur me kompanitë e ndryshme.
Seminari i degës së Hoteleri-Turizmit ishte një seminar praktike. Me folësit Gladiola Dona, themeluese e Akademisë së Hoteleri Turizmit dhe Sandra Agaj, e cila përfaqësontë departamentin e burimeve njerëzore tek Melia Durrës Hotel, nxënësit morën pjesë në ushtrime të ndryshme interaktive. Një tabelë ku tregonte shkallët e ndryshme të rritjes profesionale në sektorin e hoteleri turizmit u dha një pasqyrë më të plotë për zgjedhjet e tyre të së ardhmes. Të rinjtë kuriozë pyetën mbi mënyrat e ndryshme të fillimit të një profesioni në industrinë e hoteleri-turizmit dhe për praktikat më të mira të punës.
Ekpertja e burimeve njerëzore, Sandra Agaj zhvilloi një roleplay interviste për t’u treguar nxënësit pikat kyçe gjatë procesit të rekrutimit në Melia Durrës Hotel. Nxënësit pjesëmarrës patën mundësi të futeshin në rol dhe ata kaluan çdo pritshmëri me sjelljen, ndërveprimin dhe aftësitë e tyre. Gjatë kësaj interviste roleplay u evidentua rëndësia e ndërveprimit me klientin, sjellja, dhe biseda me intervistuesin.
Seminaret e këshillimit të karrierës ishin një mundësi tepër dinamike për nxënësit e arsimit dhe formimit profesional për të ndërvepruar me përfaqësuesit e burimeve njerëzore nga HidroFarm Albania, Deloitte dhe Melia Durrës Albania në mënyrë që ata të bëjnë zgjedhje të informuara profesionale.
